“Bu yürüşə maraq ildən-ilə artır”

Ümummilli lider Heydər Əliyevin xatirəsinə avarçəkmə üzrə “Prezident kuboku” davam edir. Allsport.az saytı xəbər verir ki, Suqovuşanda açılışda Azərbaycan kayak və avarçəkmə fedrasiyasının baş katibi Fərhad Əliyev çıxış etdi:

“Prezident kuboku” ənənəvi olaraq işğaldan azad olunan torpağımızda, Suqovuşanda keçirilir. Reqataya Füzulidə start verildi, orada xüsusi tədbir oldu. Növbəti gün Mingəçevirdə beynəlxalq yarışın açılışı baş tutdu. Bu yürüşə maraq ildən-ilə artır. “Prezident kuboku”nun 3-cü il beynəlxalq federasiyanın təqviminə salınması buna əyani misaldır”.