Gəncə kubokuna yekun vurulub

Gənclər və İdman Nazirliyinin dəstəyi, Azərbaycan Üzgüçülük Federasiyasının (ASF) təşkilatçılığı ilə Gəncə kuboku üzgüçülük yarışı keçirilib.

Allsport.az xəbər verir ki, turnirdə ən az 150 VA əmsal xalına malik 150-yə yaxın idmançı iştirak edib.

İştirakçılar arasında paralimpiya, deflimpiya və xüsusi olimpiya nümayəndələri də yer alıblar.

Qaliblərin mükafatlandırılma mərasimində gənclər və idman naziri Fərid Qayıbov, Gəncə şəhər icra hakimiyyətinin başçısı Niyazi Bayramov, ASF-nin prezidenti Zaur Əliyev və digər şəxslər iştirak ediblər.

İkinci dəfə keçirilən Gəncə kubokunda yarışında bu il ilk dəfə Belarus və Gürcüstan komandaları da iştirak edib.