Neytral statusu ləğv edilib

Rusiyalı fiqurlu konkisürən Kamilə Vəliyevanın beynəlxalq yarışlarda iştirakı ilə bağlı vəziyyət dəyişib.

Allsport.az xəbər verir ki, avqustun əvvəlində beynəlxalq konkisürmə ittifaqı (İSU) idmançıya fərdi neytral atlet statusu verib.

Lakin bir neçə gün əvvəl qurum ilkin qərarını dəyişərək Kamilə Vəliyevanın neytral statusunu ləğv edib.

İSU qərarın səbəbini hələlik açıqlamayıb.

Bu qərar xarici azarkeşlərin sosial şəbəkələrdə reaksiyasına səbəb olub. Bir sıra istifadəçilər Kamilə Vəliyevanın neytral statusunun bərpa edilməsini tələb edib, bəziləri isə onun beynəlxalq yarışlara qayıtmasına imkan yaradılmasını istəyib.

Kamilə Vəliyeva 2022-ci il Pekin qış olimpiadasından sonra dopinq işi ilə bağlı 4 illik diskvalifikasiya cəzası alıb.