Beynəlxalq yarışa qatılacaqlar

Azərbaycanın kayak və kanoe üzrə idmançıları Belarusun paytaxtı Minskdə keçiriləcək beynəlxalq yarışda iştirak edəcəklər.

Allsport.az xəbər verir ki, sentyabrın 10-13-də “Şanxay əməkdaşlıq təşkilatı ölkələrinin 2026-cı il açıq kuboku” keçiriləcək.

Nüfuzlu beynəlxalq turnirdə Azərbaycanı 3 idmançı təmsil edəcək. Mustafa Vəlizadə və Elmir Tarverdiyev kayak, Hüseyn Səmədli isə kanoe növündə mübarizə aparacaq.

İdmançıların hazırlığına böyük məşqçi Mirnazim Cavadov rəhbərlik edəcək.