Avarçəkənlərə və onların məşqçilərinə fəxri fərmanlar

Su idman növləri federasiyasının beynəlxalq yarışlarda uğur qazanan idmançıları təltif olunublar.

Allsport.az saytı xəbər verir ki, Mərkəzi Aran regional gənclər və idman idarəsi tərəfindən iyul-avqustda beynəlxalq turnirlərdə yüksək nəticələr qazanmış avarçəkmə və kanoe üzrə idmançılar, həmçinin onların məşqçiləri fəxri fərman verilib.

Akademik avarçəkmə üzrə komandamızın heyətində İtaliyanın Vareze şəhərində keçirilmiş Avropa çempionatında ikinəfərlik qayıqda gümüş medala sahib olan Ziya Məmmədzadə – Nurlan Paşayev və məşqçi Volodimir Morozov təltif edilib.

Kanoe üzrə yığmanın heyətində isə Macarıstanda Avropa 2-cisi olmuş Tatyana Smilovenko və məşqçisi Aleksandr Jukovskiyə fəxri fərman alıb.