Dədə Qorqud bağında “Olimpiya günü”

Allsport.az saytı xəbər verir ki, tədbirdə MOK-un vitse-prezidenti Çingiz Hüseynzadə, baş katib Azər Əliyev, olimpiya çempionları, idman veteranları, idman ictimaiyyətinin nümayəndələri, məktəblilər və valideynlər iştirak ediblər.

Əsas məqsəd, olimpiya hərəkatına dəstək göstərmək, gənc nəsil arasında olimpizmi təbliğ etmək, olimpiyaçıları tanıtmaqdan ibarət olub.

1952-1992-ci illərdə olimpiadalarda medallar qazanmış Azərbaycan idmançılarının nailiyyətlərinə həsr olunan geniş məlumat və videoçarxlar tədbir iştirakçılarının diqqətinə çatdırılıb. Həmin dövrün idman tariximizdə tutduğu mühüm yer xüsusi vurğulanıb.