Həbibin atasının səhhəti pisləşdi

UFC-də yüngül çəkidə kəmər sahibi olan Həbib Nurməhəmmədovun atası və məşqçisi Əbdülmanap Nurməhəmmədov Moskva xəstəxanasına köçürülüb. Allsport.az xəbər verir ki, mayın 3-də vəziyyəti pisləşən Əbdülmanap təyyarə ilə paytaxta aparılıb.

57 yaşlı məşqçinin ürək problemi olduğu bildirilir. Ötən ay COVID-19 şübhəsi ilə xəstəxanaya yerləşdirilən Nurməhəmmədova pnevmoniya diaqnozu qoyulmuşdu.