“UFC 50 milyard dollar dəyərindədir”

UFC prezidenti Dana Uayt dünyanın ən böyük MMA promouşeninin dəyərinin təxminən 50 milyard dollar ola biləcəyini bildirib.

Alldport.az xəbər verir ki, Uayt açıqlamasında turnirin cəmi 2 milyon dollara alındığını da qeyd edib:

“Bu biznesə başlayanda çox adam ona inanmırdı. Ona görə də biz UFC-ni 2 milyon dollara aldıq. Gəlin dürüst olaq – UFC 2 milyon dollara alınmışdı. Əgər “Leykers” 12,5 milyard dollara satılıbsa, deməli, UFC 50 milyard dollar (85 milyard manat) dəyərindədir”.

Uayt 2001-ci ilin yanvarından UFC-yə rəhbərlik etməyə başlayıb. Həmin vaxt onun, Frenk və Lorentso Fertitta qardaşlarının yaratdığı “Zuffa” şirkəti maliyyə çətinlikləri yaşayan “Semaphore entertainment group”dan UFC-ni satın alıb.

O vaxtdan UFC dünyanın ən böyük idman təşkilatlarından birinə çevrilib. Uayt isə promouşendə əsas rəhbər vəzifələrdən birini tutmaqda davam edir.