“Rusiyalıların Paris-2024-ə buraxılması ilə bağlı qərar BOK-un oktyabr sessiyasında verilməyəcək”

Rusiyalı idmançıların olimpiadaya buraxılması ilə bağlı qərar oktyabrda verilməyəcək. Allsport.az saytı xəbər verir ki, bu barədə BOK-un rəhbəri Tomas Bax deyib. Komitənin növbəti sessiyası oktyabrın 14-dən 17-dək Hindistanın Mumbay şəhərində keçiriləcək.

“Rusiyalıların iştirakı ilə bağlı qərar vəziyyətin inkişafından asılı olacaq. Bitərəf və fərdi idmançıların iştirakını təmin etmək üçün milli federasiyaların şərtlərimizi necə yerinə yetirdiyini görürük.

Biz buna nəzarəti davam etdirəcəyik. Sonra bütün iştirak edənlərin bu şərtlərin hərfinə və ruhuna necə əməl etdiyini görəcəyik. Nəticəyə əsaslanaraq, biz daha sonra vaxtında qərar verəcəyik və bu, oktyabrda baş verməyəcək”, – olimpiya çempionu deyib.