Sane qalır, ya gedir?

“Bavariya”nın idman direktoru Kristof Freund, komandanın hücumçusu Leroy Sanenin klubla müqaviləni yeniləməkdən imtina etməsi ilə bağlı məlumatı yalan adlandırıb:

“Sane hazırda “Bavariya”da olduğu müddətdən bəri ən yaxşı formasını nümayiş etdirir. O, komandanın gələcəyini birgə qurmaq istədiyimiz futbolçulardan biridir”.

Sane 2020-ci ilin yayından “Bavariya”da çıxış edir. Bu mövsüm 27 yaşlı vinger bütün turnirlərdə 18 oyun keçirib, 9 qol vurub, 7 məhsuldar ötürmə edib.