Zirkzi sıradan çıxdı

“Mançester Yunayted”in hücumçusu Coşua Zirkzi premyer liqanın 32-ci turu çərçivəsində “Nyukasl”la oyunda (1:4) zədələnib.

Allsport.az xəbər verir ki, matçın 55-ci dəqiqəsində 23 yaşlı futbolçu budundan tutaraq oyunu davam etdirə bilməyib. Onu Rasmus Hoylund əvəz edib.

“Düşünürəm ki, Coş bir neçə oyunu buraxacaq”, – “Mançester Yunayted”in baş məşqçi Ruben Amorim bildirib.

Zirkzi bu mövsüm bütün turnirlərdə 48 oyunda 7 qol vurub və 3 məhsuldar ötürmə edib.