BAKI-2015
Hansı basketbol komandaları paytaxtımıza gələcək?

Gələn il Bakıda təşkil olunacaq 1-ci Avropa Oyunlarında basketbolçular (3×3) arasında  16 kişi və qadın milli komandaların iştirakı təsdiq edilib. Allsport.az saytı xəbər verir ki, İrlandiyanın qadın komandası öz ölkəsinin böyük idman tədbiri üçün bu növdə ilk dəfə mübarizə aparmaqla tarix yazacaq. Azərbaycan isə ev sahibi kimi hər 2 yarışda təmsil olunacaq.

 

Təsnifat siyahısına uyğun olaraq, kişilərin yarışlarda Rumıniya, Sloveniya, Litva, Yunanıstan, Serbiya, Belçika, İspaniya, Estoniya, İzrail, Rusiya, Azərbaycan, Türkiyə, Çexiya, İsveçrə, İtaliya və Andorra komandaları iştirak edəcəklər. Eləcə də,  qadınlar arasında yarışlarda Rusiya, Sloveniya, Belçika, Niderland, Litva, Rumıniya, Türkiyə, İsveçrə, Ukrayna, İspaniya, İrlandiya, Çex Respublikası, İsrail, Yunanıstan, Slovakiya və Azərbaycan komandaları qızıl medal uğrunda yarışacaqlar.

 

Bakı 2015-in Əməliyyatlar üzrə Baş Direktoru  Saymon Kleq bu barədə deyib: “Biz ilk Avropa Oyunlarının başlanmasına geri qalan günləri sayırıq. Və belə bir zamanda idman yarışlarında iştirak edəcək millətlərin və komandaların adlarını təsdiq etmək imkanımızın olması bizə çox xoşdur. Mən Bakı 2015-in Basketbol 3×3 yarışlarında öz ölkələrinin iştirakını təmin etmiş bütün idmançıları təbrik edirəm və onları gələn ilin Oyunları üçün səbirsizliklə gözləyəcəyimizi bildirirəm.”

 

4 gün davam edəcək Basketbol 3×3 turnir yarışları 2000 tamaşaçı üçün nəzərdə tutulmuş müvəqqəti Basketbol Arenasında baş tutacaq. Oyun 2i komanda arasında mövqe hücumundan başlayacaq və oyunlardan dünya üzrə təxminən 250 milyondan çox oyunçunun zövq alacağı gözlənilir.

 

Bakı 2015-in İdman Şöbəsinin Direktoru Pirs O’Kallahan deyib: “Yeni və innovativ idman növlərindən biri bizim proqramımıza daxil edildiyi üçün Basketbol 3×3-ə böyük maraq olacaq və ilk Avropa Oyunlarının çempionu adlandırılmaq hüququ uğrunda gərgin yarış keçəcək. Bu idman dünyada ən sürətlə yayılan idman növlərindəndir, odur ki, biz Avropa Oyunlarına start verəndə insanların böyük marağını gözləyirik.”

Həmin kateqoriyadan