2-qat “Qızıl top” sahibi vəfat edib

İngiltərə millisinin sabiq futbolçusu, 2-qat “Qızıl top” mükafatçısı Kevin Kiqan vəfat edib.

Allsport.az xəbər verir ki, Kiqan 76 yaşında dünyasını dəyişib.

O, dördüncü mərhələ xərçəng xəstəliyindən əziyyət çəkdiyini açıqlamışdı.

Keçmiş futbolçu və məşqçi ömrünün son anlarını həyat yoldaşı və qızlarının əhatəsində keçirib.

Kevin Kiqan futbolçu karyerası ərzində İngiltərənin “Liverpul”, “Nyukasl” və “Sauthempton”, Almaniyanın “Hamburq”, eləcə də Avstraliyanın “Blektaun Siti” klublarında çıxış edib. O, “Liverpul”un heyətində 3 dəfə İngiltərə çempionu, 2 dəfə İngiltərə superkuboku və UEFA kubokunun qalibi olub, həmçinin İngiltərə kuboku və Avropa çempionlar kubokunu qazanıb. “Hamburq”un heyətində isə Almaniya çempionluğu və ölkə kubokunu əldə edib.

Kiqan 1978 və 1979-cu illərdə “Qızıl top” mükafatına layiq görülüb və bu mükafatı iki dəfə qazanan yeganə ingilis futbolçu kimi tarixə düşüb. O, 2002-ci ildə İngiltərə futbol şöhrət zalına qəbul edilib.

Futbolçu karyerasını başa vurduqdan sonra məşqçiliyə başlayan Kiqan “Nyukasl”, “Fulhem” və “Mançester Siti” klublarını, həmçinin İngiltərə milli komandasını çalışdırıb.