2032-ci il oyunlarına Brisben şəhəri ev sahibliyi edəcək

2032-ci ildə yay olimpiya oyunlarına Avstraliyanın Brisben şəhəri ev sahibliyi edəcək. Allsport.az saytı xəbər verir ki, bu barədə BOK-un Tokioda keçirilən sessiyasında qərar qəbul olunub.

Avstraliya üçüncü dəfə “dördilliy”ə ev sahibliyi edəcək. 1956-cı ildə Olimpiada Melburn, 2000-ci ildə isə Sidneydə təşkil olunub.

2024-cü ildə oyunlara Paris, 2028-ci ildə isə Los-Anceles şəhərləri ev sahibliyi edəcəklər.

Tokio-2020-nin açılış mərasimi iyulun 23-də olacaq. Azərbaycanı yarışda 44 idmançı təmsil edəcək.