Ançelotti məhkəmə qarşısında

Allsport.az xəbər verir ki, “Real”ın (Madrid) baş məşqçisi Karlo Ançelottinin vergi fırıldaqçılığı ittihamı ilə məhkəmə qarşısına çıxacağı gözlənilir. İtaliyalı məşqçi 2014-cü ildə imic hüquqlarından əldə edilən 400 min avronu vergilərdən yayındırmaqda ittiham olunur.

Bu barədə ilk araşdırma zamanı istintaq Ançelottinin 2015-ci ildə baş verdiyi iddia edilən cinayətdə günahının olmadığını təsdiqləmişdi. Lakin məsələyə yenidən baxılacaq.

Çox güman ki, yaxın vaxtlarda baş tutacaq məhkəmə, məşqçinin böyük məbləğdə cərimələnməsi ilə yekunlaşacaq.