Azad Rəhimov: Nəticələr düzgün və dəqiqliklə qeydə alınacaq

“MicroPlus Informatica” Bakı-2019 Avropa gənclər yay olimpiya festivalının rəsmi sponsoru olub. Allsport.az saytı xəbər verir ki, gənclər və idman naziri Azad Rəhimov şirkətlə razılığın əldə edilməsindən məmnun olduğunu bildirərək deyib:

“Bizim üçün nəticələrin idarə edilməsinə cavabdeh olacaq şirkətin əsas meyarı onun məlumatların emalı və vaxtın dəqiqləşdirilməsi xidmətləri üzrə böyük təcrübəyə malik olması, eləcə də nəticələri düzgün və dəqiqliklə qeydə alacaq mükəmməl və problemsiz işləyəcək avadanlığa sahib olmasıdır. Belə vacib bir idman yarışında bu məsuliyyəti yalnız böyük təcrübəyə malik ən yaxşı kompaniya öz üzərinə götürə bilər”.