Bu komanda ilə qarşılaşacaq

“Qarabağ” və “Sabah”ın UEFA Avropa liqasının 3-cü təsnifat mərhələsindəki potensial rəqibləri müəyyənləşib.

Allsport.az xəbər verir ki, “Qarabağ” 2-ci təsnifat mərhələsində Bolqarıstanın ÇSKA klubunu mübarizədən kənarlaşdıracağı təqdirdə, növbəti mərhələdə “Şerif” (Moldova) – “Makkabi” (Təl-Əviv, İsrail) cütünün qalibi ilə qarşılaşacaq.

“Sabah” isə UEFA çempionlar liqasının 2-ci təsnifat mərhələsində Finlandiyanın “Kups” klubuna məğlub olacağı halda, Avropa liqasının 3-cü təsnifat mərhələsində “Levski” (Sofiya, Bolqarıstan) – “Universitatya Krayova” (Rumıniya) cütünün məğlubu ilə üz-üzə gələcək.

UEFA Avropa liqasının 3-cü təsnifat mərhələsinin oyunları avqustun 6-da və 13-də keçiriləcək.