Çempionşipdə oynayacaq

“Fənərbağça”nın futbolçusu Entoni Musaba karyerasını İngiltərədə davam etdirəcək.

Allsport.az xəbər verir ki, “Norviç Siti” niderlandlı vingeri icarəyə götürüb.

Çempionşip təmsilçisi 25 yaşlı oyunçunu bir mövsümlük icarəyə götürüb.

“Fənərbağça” Entoni Musabanı bu ilin yanvarında “Samsunspor”dan 5 milyon avroya transfer edib. Niderland U-21 millisinin sabiq üzvü İstanbul nəhənginin heyətində meydana çıxdığı 24 rəsmi matçda 2 qol və 6 məhsuldar ötürmə ilə yadda qalıb.