Çingiz Hüseynzadənin sədrliyi ilə Avropa olimpiya komitəsinin iclası

Yanvarın 17-də İsveçrənin Lozanna şəhərində milli olimpiya komitəsinin vitse-prezidenti Çingiz Hüseynzadənin sədrliyi ilə Avropa olimpiya komitəsinin olimpiya oyunları komissiyasının iclası öz işinə başlayacaq.

Allsport.az saytı xəbər verir ki, ANOK-un baş qərargahında keçiriləcək bu toplantıda Avropa idman modeli, Tokio-2020 yay olimpiya oyunlarına hazırlıq, Avropa olimpiya komitəsinin Şamorin iclası, olimpiya xartiyasının 40-cı və 50-ci maddələri müzakirə olunacaq məsələlər siyahısındadır.

Qeyd edək ki, komissiyanın üzvlərinə Belarus, İspaniya, İtaliya, Almaniya, Yunanıstan, Kosovo, Polşa, Rusiya, Malta, Norveç, San-Marino, Moldova və Böyük Britaniya kimi ölkələrdən nümayəndələr daxildir.