“Dinamo”da yeni anlaşma

Moskva “Dinamo”su komandanın serbiyalı müdafiəçisi Milan Maystoroviçlə müqaviləni uzadıb. Allsport.az saytı xəbər verir ki, 19 yaşlı futbolçunun “ağ-göylər”lə yeni anlaşması 2029-cu ilin iyun ayına qədər qüvvədədir.

Bu mövsüm gənc serb “Dinamo”nun heyətində 6 oyun keçirib və 1 qol vurub. Transfermarkt portalı futbolçunun dəyərini 900 min avro qiymətləndirir.