Dövlət qurumlarının əməkdaşları arasında kamandan oxatma yarışı

Allsport.az saytı xəbər verir ki, gənclər və idman mazirliyi və kamandan oxatma federasiyasının təşkilatçılığı ilə yarışda 14 dövlət qurumundan 34 əməkdaş (18 kişi, 16 qadın) iştirak edib.

Kişilərin yarışında Azərtac-ın əməkdaşı Hikmət Əhmədov 1-ci olub. Elnur Məmmədov (gənclər və idman nazirliyi) və Rafiq Mahmudov (ailə, qadın və uşaq problemləri üzrə dövlət komitəsi) müvafiq olaraq 2-ci və 3-cü pillələrə layiq görülüblər.

Qadınlar arasında fövqəladə hallar nazirliyinin əməkdaşı Əzizə Lalayeva hamını üstələyib. Mədinə Mahmudova (medianın inkişafı agentliyi) yarışı 2-ci, Ülviyyə Hacıyeva (gənclər və idman nazirliyi) 3-cü yer tutublar.