Düzgün duruş həm də nəfəs alma qabiliyyətini artırır

Təsəvvür edin, 8 saat ardıcıl olaraq boynunuzda 20 kq ağırlığında bir şey daşıyırsınız. Allsport.az saytı xəbər verir ki, bu, təxminən kompüter arxasında keçirdiyiniz iş günü ərzində bədəninizin keçirdiyi gərginlik miqdarıdır. Onun fəsadları olacağı aydındır: döş əzələləri gərginləşir, çiyinlər irəli əyilir — əsasən, bədən bükülür.

Düzgün duruş sizi daha incə, uzun və daha inamlı göstərməklə yanaşı, həm də nəfəs alma qabiliyyətini artırır. Əzələ gərginliyi beyni daha tez yorur, buna görə də düz bel ilə daha səmərəli və ağıllı oluruq.

Xoş xəbər budur ki, düzgün duruşun qorunması o qədər də çətin deyil. Lazım olan tək şey maksimum 10 dəqiqə çəkən bir neçə məşqdir – bu, gününüzün 1%-ni belə təşkil etmir. Əsas məsələ ardıcıllıqdır.