“Heç bir ağrı hiss etmirəm”

Madrid “Real”ının qapıçısı Tibo Kurtua zədəsinin ciddi olmadığını açıqlayıb.

Allsport.az xəbər verir ki, belçikalı qolkiper yaxın vaxtlarda komanda ilə məşqlərə qoşulacağını bildirib:

“Artıq heç bir narahatlıq hiss etmirəm. Oyun zamanı da ciddi zədə almadığımı anlamışdım. Hamı iki-üç həftədən danışır. Amma məşqlərə qayıdan kimi hazır olacağam. Heç bir ağrı hiss etmirəm”.

34 yaşlı qapıçı DÇ-2026-nın 1/4 finalında İspaniyaya qarşı keçirilən oyunda (1:2) zədələnərək əvəzlənmişdi.