“İnter”dən yeni qapıçı transferi

İtaliya klubu heyətinə yeni futbolçu qatıb.

 Allsport.az saytı xəbər verir ki, Milan təmsilçisi “Bavariya”dan qapıçı Yan Sommeri transfer edib. 34 yaşlı qolkiper ilə 3 illik müqavilə imzalanıb.

Daha əvvəl “İnter”in keçidə görə Münhen klubuna 6 milyon avro ödəyəcəyi bildirilirdi.

Yan  2022/23 mövsümünün ortalarında “Bavariya”ya keçib və Bundesliqada 19 oyuna çıxıb.