“İnter”in baş məşqçisi: Qazanılan 3 xala görə razıyam

“İnter”in baş məşqçisi Zaur Svanadze Topaz Premyer Liqasının 9-cu turu çərçivəsində “Rəvan”a qarşı keçirdikləri oyunu şərh edib. Allsport.az xəbər verir ki, “bankçılar”ın gürcü çalışdırıcısı 2:0 hesabıyla bitən qarşılaşmadan sonra bunları söyləyib:

“Mən qazanılan 3 xala görə razıyam. Demək istəyirəm ki, biz son iki oyunu yeni baş məşqçiyə qarşı oynayırıq. Bunun əlavə çətinlikləri var.

“Rəvan”la oyuna zədəli futbolçuların çoxluğu fonunda qurulan heyətlə çıxmışdıq. Problemlərə baxmayaraq, qələbə qazandıq. Qarşıdakı oyunu düşünməliyik”.