“Kəpəz” “İnter”lə oyuna Bakıda hazırlaşır

Premyer Liqanın 30-cu turunda Gəncədə Bakı “İnter”ini qəbul edəcək “Kəpəz” dünəndən qarşıdakı oyunun hazırlığına başlayıb. Allsport.az saytının məlumatına görə, komanda paytaxtda məşq edir. “Sarı-göylər” aprelin 15-də Gəncəyə yollanacaq.

Komanda həmin gün matçın keçiriləcəyi şəhər stadionunda oyun öncəsi son məşqinə çıxacaq. “Kəpəz” – “İnter” görüşü aprelin 16-da saat 13:30-da başlayacaq. Oyun “CBC Sport” telekanalı vasitəsi ilə canlı yayımlanacaq.