K-1 döyüşçüləri “Azərbaycan əfsanələri”nə qatılacaq

Martın sonu və aprelin əvvəlində Bakıda K-1 üzrə “Azərbaycan əfsanələri” adlı turnir keçiriləcək. Allsport.az saytı xəbər verir ki, bu sözü Bakıda təşkil olunan mətbuat konfransında adı çəkilən döyüş növünün Azərbaycan və Yaxın Şərq üzrə rəsmisi Elnur Məmmədov deyib.

Onun bildirdiyinə görə, yarışda ölkəmizin güclü idmançıları ilə yanaşı, dünyanın tanınmış döyüşçüləri qatılacaqlar və bu istiqamətdə inkişaf göz önündədir. Sonra Elnur Məmmədov jurnalistlərin suallarını cavablandırıb.