Karateçilərimiz Macarıstandan 8 medalla dönüb

Yeniyetmə və gənclər karateçilərimiz Macarıstanda 22-ci açıq Budapeşt turnirini 8 medalla başa vurublar.

Allsport.az saytı xəbər verir ki, baş məşqçi Anar Allahverdiyevin rəhbərlik etdiyi komandanın üzvlərindən 16-17 yaşlı gənclərdə Hüseyn Məmmədli (61 kq), Ayla Rzazadə (59 kq), həmçinin 21 yaşlılarda Murad Hacızadə (+84 kq) qızıl medal qazanıblar.

16-18 yaşlılarda Sultan Hüseynov (55 kq), Tale Yaqubov (68 kq), 21 yaşadək gənclərdən Hümmət Baxşəliyev (67 kq) və Fidan Teymurova (50 kq) bürünc mükafata sahib olublar.