Karateçilərimizdən Belçikada 2 medal

Karateçilərimiz Belçikanın Lyej şəhərində keçirilən beynəlxalq turnirdə 2 medal qazanıb. Allsport.az xəbər verir ki, Suada Kərimova (16-17 yaşlı gənclər, kumite 47 kq) və Neda Rezai (böyüklər, kata) bürünc mükafata sahib olub.

Beynəlxalq hakimlər – Cahangir Babayev və Vüqar Kərimov dəvət ilə turniri idarə edən hakimlər arasında olub. Belçikada müxtəlif yaşlı karateçilər arasında nüfuzlu yarışda 25 ölkədən 1125 idmançı iştirak edib.