Karateçimiz Çilidə gümüş medal qazandı

İrina Zaretska (68 kq) Çilinin paytaxtında karate1 seriya “A” turnirinin gümüş medalını qazanıb. 

Allsport.az xəbər verir ki, Finaladək Daniele Van Vikə (CAR) 9:0, Qalina Melnikə (Ukrayna) 3:2, Feryal Abdelazizə (Misir) isə 1:0 hesabı ilə qalib gələn idmançımız həlledici görüşdə Silviya Semeraroya (İtaliya) 0:1 hesabı ilə məğlub olub. 

Nüfuzlu turnirə 65 ölkədən 466 karateçi qatılıb. Yarışın hər mərhələsi idmançılara olimpiya reytinq xalları qazandırıb. 

Karateçilərimizi 24-26 yanvarda Parisdə mövsümün ilk karate1 premyer liqa turniri gözləyir.