“Komandamız vuruşdu”

Allsport.az xəbər verir ki, Azərbaycan futzal millisinin baş məşqçisi Vitali Borisov, Qazaxıstana 2:4 hesabı ilə məğlub olduqları DÇ-2024-ün elit mərhələsinin oyunundan sonra mətbuat konfransında matç haqda fikirlərini bölüşüb:

“Belə alınacağını da gözləyirdik. Qazaxıstan çox dinamik komandadır. Komandamız vuruşdu. Hakimlərin bəzi qərarları mübahisəli idi. Buraxılan 3-cü qolun təkrarına baxdım. Məncə, həmin anda hakimin qərarı doğru deyildi. Düzdür, ikinci hissə rəqibin üstünlüyü ilə keçdi. Qapıçıları çox irəli çıxırdı. O, ayaqla bəzi meydan oyunçularından yaxşı oynayır”.