“Məyusedici məğlubiyyət oldu”

“Turan Tovuz”un baş məşqçisi Qurban Berdiyev premyer liqanın 3-cü turundə “Kəpəz”lə oyundan (0:1) sonra fikirlərini bölüşüb.

Allsport.az xəbər verir ki, rusiyalı mütəxəssis məğlubiyyəti məyusedici adlandırıb:

“Məyusedici məğlubiyyət oldu. Ötən oyunla müqayisədə bu oyunda daha yaxşı görünürdük. Rəqib bir qol imkanı yaratdı və ondan istifadə etdi. Bizim də çoxlu imkan yaratdığımızı demək olmaz. Oyunumuzu daha yaxşılaşdırmaq üçün bu məğlubiyyətdən nəticə çıxarmalıyıq”.