Millimizin oyunu “Yuventus”un stadionunda

DÇ-2022-nin seçmə mərhələsində keçiriləcək Portuqaliya – Azərbaycan oyunu İtaliyada təşkil olunacaq. Allsport.az xəbər verir ki, görüş Turin şəhərində yerləşən “Yuventus” klubuna məxsus “Allyans” stadionda keçiriləcək.

Bununla bağlı AFFA-ya müvafiq rəsmi məlumat UEFA, Portuqaliya futbol federasiyası və “Yuventus” klubundan göndərilib və AFFA tərəfindən razılıq verilib.

Portuqaliya milli komandasının ev oyununun neytral meydanda keçirilməsinin səbəbi COVID-19 pandemiyasıdır.

Qarşılaşma martın 24-ü baş tutacaq.