MY azarkeşi qəzəbləndi: Bu alman İngiltərəni qəsdən təxrib edirmi? – FOTO

“Mançester Yunayted”in məşhur azarkeşi Tereza Qudmunsen, Harri Maquayreni çağırmadığı üçün Tomas Tuxeli tənqid edib. Allsport.az saytı xəbər verir ki, o, İngiltərə millisinin baş məşqçisinin qərarından təəccüblənib.

33 yaşlı futbolçu ilin əvvəlindən “qırmızı şeytanlar”ın əsas heyətində yer alıb və millini 3 böyük turnirdə təmsil edib. Gözəlçə yazıb: “Bu alman İngiltərəni qəsdən təxrib edirmi?”

Tuxel özü qərarı belə şərh edib: “Ona, keyfiyyətlərinə böyük hörmətim var. Möhtəşəm bir mövsüm keçirdi, məyusluğu görürəm, bu məyusluğun səbəbini görürəm.

Yenə də, bir az təəccübləndim, çünki aramızda şəxsi söhbət oldu. Harri hisslərini ifadə edə bilərdi və bunu etdi və bu, tamamilə ədalətlidir, çünki bütün səbəbləri başa düşürəm”.