Nəriman Abbasovun Moskva sınağı

MMA döyüşçüsü Nəriman Abbasov növbəti görüşünü keçirəcək. Allsport.az xəbər verir ki, “Qəbələ”nin üzvü Moskvada təşkil olunacaq “AMC Fight Night100” döyüş gecəsində iştirak edəcək.

Aprelin 10-da baş tutacaq qarşılaşmada onun rəqibi Rusiya təmsilçisi Şamil Əmirov olacaq.

Yüngül çəki dərəcəsində (70,3 kq) çempion kəmərinin sahibi olan Abbasov titulunu qorumaq üçün mübarizə aparacaq. Lujnikidəki görüş Abbasovun 29-cu sınağı olacaq. O, indiyədək keçirdiyi 28 döyüşdən 25-də qalib gəlib. Təmsilçimiz son 10 qarşılaşmada qələbəyə sevinib.

Nəriman ötən ilin sentyabrında baş tutan son sınağında Mixail Qoqitidzeni məğlubiyyətə uğradıb.