Navas karyerasını bitirdi

PSJ-nin qapıçısı Keylor Navas Kosta-Rika millisində karyerasını başa vurduğunu açıqlayıb. Allsport.az xəbər verir ki, bu barədə o, sosial mediada paylaşım edib:

“Milli komandada həyatımın bu mərhələsi başa çatıb. Komanda yoldaşlarım həmkarlarımdan daha çoxdur, mənim üçün ailə olublar. Paylaşdığımız bütün xatirələrə görə sizə ürəkdən təşəkkür etmək istəyirəm.

Biz birlikdə dünyanın ən yaxşı oyunçuları ilə yarışaraq və Kosta Rikanın adını ən yüksək səviyyəyə qaldıraraq tarix yazdıq”.