Saldanya: “Zenit”dən təklif gəlsəydi, dərhal razılaşardım

Allsport.az xəbər verir ki, Bakının “Neftçi” klubunun hücumçusu Mateus Saldanya PARİ premyer kubokunun ilk turunda Sankt Peterburq “Zenit”inə 1:3 uduzduqları matçdan sonra fikirlərini bölüşüb. Penaltidən qol vuran hücumçu bunu deyib:

““Zenit”dən çağırsalar və kluba dəvət etsələr, dərhal razılaşardım. Amma burada hər şey hazırkı komandamın nümayəndələrindən asılıdır, çünki mən indi müqavilə bağlamışam.

Matçda ab-hava çox yaxşı idi. Gözəl stadion təcrübəsi. Oraya çatan kimi dərhal telefonumu çıxarıb çəkilişlərə başladım”.

Ötən mövsüm 23 yaşlı futbolçu “Neftçi”nin heyətində 20 oyun keçirib, 5 qol vurub, 1 məhsuldar ötürmə edib.