“Onlar bütün zamanların ən möhtəşəm iki futbolçusudur”

“Bavariya” və İngiltərə millisinin hücumçusu Harri Keyn ötən mövsüm hesabına 73 qol yazdırıb.

Allsport.az xəbər verir ki, o, “Qızıl top”a namizəd olması kontekstində Lionel Messi və Kriştianu Ronaldu ilə müqayisələrə münasibət bildirib:

“Messi və Ronaldonu, onların dominantlıq etdiyi və bunu dəfələrlə etdiyi dövrü izləyərək böyümüşəm. Aydındır ki, məndən daha çox qol vuran yeganə futbolçu 82 qolla Messidir. Amma onun digər mövsümləri, eləcə də Ronaldonun 69 qol vurduğu mövsüm də heyranedicidir.

Bu rəqəmlər mənə sadəcə ağlasığmaz görünürdü və həqiqətən də belədir. Onlar bizim nəslimizin, bəlkə də bütün zamanların ən möhtəşəm iki futbolçusudur. Ona görə də 73 qol hətta mənim üçün belə çox təsiredici göstəricidir”.