Pavel Paşayevin klubu 10 dəqiqəyə 2 top üstünlüyünü əldən verib

Ukrayna Liqa-Pari Matçında 7-ci turun oyunları keçirilib. Allsport.az saytı xəbər verir ki, Azərbaycan millisinin müdafiəçisi Pavel Paşayevin çıxış etdiyi “Stal” səfərdə “Zarya” ilə qarşılaşıb.

Bu görüş qalib müəyyənləşməyib – 2:2. Halbuki, qarşılaşmanı 9 nəfərlə başa vurmalı olan qonaqlar 80-ci dəqiqəyə qədər 2:0 öndə olub. Həmvətənimiz 90 dəqiqə meydanda olub. O, 68-ci dəqiqədə sarı vərəqə ilə də cəzalanıb.

“Stal” 7 turdan sonra 6 xalla 12 klub arasında 9-cu pillədədir.