Premyer liqa klubuna keçdi

İngiltərənin “Nyukasl” klubu Fransanın “Monako” komandasının futbolçusu Alaci Bambanı transfer edib.

Allsport.az xəbər verir ki, 20 yaşlı fransalı dayaq yarımmüdafiəçisi ilə 2031-ci ilin yayına qədər müqavilə imzalanıb.

“Transfermarkt” portalı oyunçunun dəyərini 35,5 milyon avro qiymətləndirir. O, yeni komandasında 8 nömrəli formanı geyinəcək.

Bamba “Monako”nun əsas komandasında 2025-ci ilin avqustunda debüt edib. Futbolçu həmin vaxtdan etibarən bütün turnirlərdə 25 oyuna çıxıb və 2 məhsuldar ötürmə ilə yadda qalıb.