“Qəbələ” – “Sumqayıt” matçının keçirilmə tarixi dəyişdirildi

“Qəbələ” klubu Peşəkar Futbol Liqasına müraciət edib. Allsport.az xəbər verir ki, ölkəmizi Avropa Liqasının qrup mərhələsində təmsil edən “Qəbələ” Topaz Premyer Liqasının 5-ci turu çərçivəsində keçiriləcək “Sumqayıt”la görüşün vaxtının dəyişdirilməsini xahiş edib.

PFL əsasnaməni nəzərə alaraq, “Qəbələ” – “Sumqayıt” görüşünün əvvəlcədən nəzərdə tutulduğu kimi, 20 sentyabrda deyil, 21 sentyabrda keçirilməsinə qərar verib.