“Qarabağ”ın bu çempionatda qələbə zolağı

“Qarabağ” klubu ardıcıl 6-cı qələbəsini qazanıb. Allsport.az saytı pfl.az-a istinadən xəbər verir ki, “Kəpəz”i 4:0 hesabı ilə məğlub edən Qurban Qurbanovun komandası sonuncu dəfə 23-cü turun “İnter”lə oyununda xal itirib – 1:1.

Bununla da Ağdam klubu mövsümün rekordunu yeniləyib. Bunadək qələbə seriyası 19-23-cü turlarda 5 qələbə qazanan “Zirə”yə məxsus idi.

24-cü turda məhz “Zirə”nin qələbə seriyasını 2:0 hesablı qələbə ilə dayandıran “Qarabağ” ardınca “Sumqayıt” (2:0), “Qəbələ” (2:1), “Rəvan” (5:1), “Xəzər Lənkəran”ı (2:1) məğlub etmişdi.