“Qırmızı şeytanlar” 2 top geridə olmasına rəğmən, Yaponiyanı Dünya Kubokundan kənarlaşdıra bildi

Rusiya-2018 Dünya Kubokunda 1/8 final davam edir.

Allsport.az saytı xəbər verir ki, bu gün mərhələnin 6-cı oyununda “Rostov arena”da Belçika və Yaponiya milliləri üz-üzə gəliblər.

2-ci yarının əvvəldə asiyalılar ardıcıl 2 qol vuraraq öndə olublar. Hissənin ortalarında “qırmızı şeytanlar” 4 dəqiqəyə 2 dəfə fərqlənərək hesabı bərabərləşdiriblər.

Görüşün uzatma dəqiqələrində əks-hücuma keçən Belçika yığması qələbə topunu vurub – 3:2.