Radik İsayev dünya oyunlarında bürünc medal qazanıb

Usta taekvondoçulardan ibarət Azərbaycan millisinin üzvü Radik İsayev Koreyanın Munqyeonq şəhərində təşkil olunan hərbiçiləri VI dünya oyunlarında medal qazanıb. Allsport.az saytı xəbər verir ki, +87 kq-da mübarizə aparan birinci Avropa Oyunlarının çempionu fəxri kürsünün 3-cü pilləsində qərarlaşıb.

Dünya çempionumuz əvvəlcə Ruy Yanqı (Çin), ardınca Ruslan Japarovu (Qazaxıstan) məğlub etsə də yarımfinalda almaniyalı Volker Vodzixə 3:5 hesabı ilə uduzub. Lakin bürünc medal uğrunda görüşdə rusiyalı Yuri Kiriçenkoya qalib gələn Radik İsayev mükafatçılar sırasında yer alıb. Dünya oyunları oktyabrın 11-də yekunlaşacaq.