Səudiyyə klubu 60 milyon verir

“Əl-Qadisiyə”, “Mançester Siti”nin yarımmüdafiəçisi Ticani Reyndersin transferi üçün danışıqları davam etdirir.

Allsport.az xəbər verir ki, Səudiyyə Ərəbistanı klubu 28 yaşlı niderlandlı futbolçu üçün İngiltərə təmsilçisinə təxminən 60 milyon avro ödəməyə hazırdır.

Tərəflər arasında razılığın yaxın olduğu bildirilir. Transferin baş tutub-tutmayacağı isə futbolçunun qərarından asılıdır.

Reynders ötən mövsüm “Mançester Siti”nin heyətində premyer liqada 28 oyuna çıxıb, 5 qol və 2 məhsuldar ötürmə ilə yadda qalıb.