“İmkanımızın olub-olmamasından asılı olmayaraq, qələbə qazanmaq istəyirik“

Allsport.az xəbər verir ki, futzal üzrə Azərbaycan millisinin baş məşqçisi Vitali Borisov açıqlama verib:

“Dünən günortaya yaxın Niderlanda çatmışıq. Uşaqlar uzun yol qət etdilər. Buna baxmayaraq, yorğunluq fonunda ilk məşqimizi gerçəkləşdirdik.

Rumıniya ilə matçla müqayisədə heyətimizdə 2 dəyişiklik var. Amadeu zədə səbəbindən bizə kömək edə bilməyəcək. Onu Eduardo Borges əvəzləyəcək. Edu 3 gün əvvəlki matçı cəzalı olduğuna görə buraxmaq məcburiyyətində qalmışdı.

Futzalçılara da müəyyən tapşırıqlar veriləcək. Rəqibin standart vəziyyətlər zamanı, eləcə də “5-in” “4-ə” oynayan zaman hansı üstünlüklərə malik olacaqlarını və bizim nələr etməli olduğumuzu deyəcəm. İmkanımızın olub-olmamasından asılı olmayaraq, qələbə qazanmaq istəyirik”.