Stolüstü tennis üzrə Azərbaycan kubokuna yekun vuruldu

“Şüa” idman-sağlamlıq mərkəzində stolüstü tennis üzrə Azərbaycan kuboku turniri keçirilib.

Allsport.az xəbər verir ki, gənclər və yeniyetmələr arasında keçirilən yarış şəxsi-komanda xarakteri daşıyıb. 2002-2004-cü il təvəllüdlü qızların yarışında ilk üç yeri “Şəki”, “Təhsil” və “Şabran” komandaları tutublar. Oğlanlar arasında isə “Təhsil 1”, “Təhsil 2”, “Şabran” komandaları fərqləniblər. Həmin yaş qrupunun şəxsi yarışlarında isə qızlar arasında Ləman Abdulhəmidova, Zemfira Mikayılova, Aliyə Haşımova, oğlanlar arasında İbrahim Ansari, Kənan Pənahov, Nihad Məmmədov qalib olublar.

Turnirdə 2005-ci il təvəllüdlü və daha kiçik yaşlı qızlar arasında “ Sumqayıt 2”, “Sumqayıt 1”, “Sumqayıt 3” komandası, oğlanlar arasında “Təhsil 1”, “Sumqayıt 1”, “Təhsil 2” yığmaları mükafatlara layiq görülüblər. Həmin yaş qrupu üzrə şəxsi yarışlarda qızlardan Arzu Aslanova, Mərziyyə Nurmətova, Mehriban Dadaşova, oğlanlardan isə Emin Məmmədov, Adil Əhmədzadə, Hüseyn Eylazov ilk üç yerdə qərarlaşıblar.