Taekvondoçularımız Türkiyədə 4 medala sahib çıxdılar

Yeniyetmə taekvondoçulardan ibarət millimiz Türkiyənin Konya şəhərində keçirilən 5-ci Rumi Uşaq İdman Oyunlarında 4 medal qazanıb. Allsport.az xəbər verir ki, baş məşqçi Səbuhi Zülfüqarovun və böyük məşqçi Sənan Həşimovun rəhbərliyi ilə yarışın ilk gününü komandamız 2 medalla başa vurub.

Bəhruz Quluzadə (37 kq) və Anar Hüseynli (53 kq) yalnız final döyüşündə məğlub olublar. Taekvondoçularımız rəqabətin 2-ci günündə daha 2 medala yiyələnib. Cavid Soltanov (61 kq) və Nuranə İbrahimova (47 kq) baş mükafata sahib çıxıblar.