Topaz Premyer Liqasında 9-cu tur rəqəmlərdə

Bu həftə Topaz Premyer Liqasında 9-cu turun oyunları keçiriləcək. Allsport.az xəbər verir ki, 1-ci dövrənin son turunun qarşılaşmaları 2 gün davam edəcək.

Həftənin mərkəzi oyunu liderlər qrupunda qərarlaşan “Qəbələ” və “Zirə” arasında keçiriləcək. Peşəkar Futbol Liqasının rəsmi internet saytı üz-üzə gələcək cütlərin Premyer Liqadakı oyunlarının balansını təqdim edib.

Topaz Premyer Liqası
9-cu tur
23 oktyabr (cümə)

44. AZAL – “Neftçi” – 26 oyun, +5=8-13, top fərqi 21-43

AZAL son 4 ev oyununda yalnız 1 dəfə uduzub. “Neftçi” ardıcıl 4 matçda meydanı qolsuz tərk etməyib.

24 oktyabr (şənbə)

41. “İnter” – “Rəvan” – 8 oyun, +8=0-0, top fərqi 20-5

Əvvəlki 8 qarşılaşmanın hamısında qol vuran “İnter” bütün oyunlarda qalib gəlib. Son 6 paytaxt derbisində isə “İnter” 2 və ya daha çox qola imza atıb.

42. “Kəpəz” – “Xəzər Lənkəran” – 12 oyun, +1=1-10, top fərqi 8-20

“Xəzər Lənkəran” əvvəlki 12 oyunun hamısında “Kəpəz”in qapısına qol vurub. Cənublular son 7 qarşılaşmada qol sevinci yaşayıb.

25 oktyabr (bazar)

43. “Sumqayıt” – “Qarabağ” – 12 oyun, +3=1-8, top fərqi 6-26

“Qarabağ” son 3 qarşılaşmada qələbə qazanıb. “Sumqayıt”ın meydanındakı son 3 matçda qonaqlar 1 qələbə qazanıb.

45. “Qəbələ” – “Zirə” – indiyədək qarşılaşmayıblar

* – texniki nəticə top fərqində nəzərə alınmayıb.