“Virts 2026-cı il dünya çempionatına yaxşı hazırlaşmalıdır”

Almaniya millisinin və “Bayern”in sabiq futbolçusu Lotar Matteus “Bayer”in yarımmüdafiəçisi Florian Virtsə gələcək karyerası ilə bağlı məsləhət verib.

Allsport.az xəbər verir ki, o, almaniyalı futbolçu haqda bunları söyləyib:

“Virts 2026-cı il dünya çempionatına yaxşı hazırlaşmalıdır. Bunu yeni bir klubda deyil, tanış mühitdə etmək daha asan olacaq. Ona görə də, ona 2026-cı ilə qədər “Bayer”də qalmağı məsləhət görürəm. Onda onun cəmi 23 yaşı olacaq və onu qarşıda karyerasının daha on ili gözləyir”.